Gjykata Kushtetuese zbardhi vendimin për regjistrimet telefonike “Sky Ecc”.
Në arsyetim shkruhet se për të caktuar masat e arrestit që fundosën grupe të tëra kriminale, SPAK mori indicie nga bisedat mes anëtarëve të bandave e më pas i kryqëzoi ato me prova të tjera.
Por Kushtetuesja urdhëron Gjykatat e Shkallës së Parë që të vlerësojnë përgjatë procesit gjyqësor, nëse provat janë apo jo vlefshme.
Vendimi i Gjykatës Kushtetues erdhi pas padisë së bërë nga biznesmeni i arrestuar, Pëllumb Gjoka, i cili kërkoi që komunikimet e “Sky Ecc”, të mos përdoren si prova. Kërkesa është rrëzuar e për pasojë përgjimet konsiderohen të vlefshme./vizionplus.tv
