Partia Socialiste do të mbledh më 23 mars Kongresin Elektoral ku do të diskutohet mbi zgjedhjet lokale si dhe do të bëhen publik emrat e kandidatëve për kryebashkiakë.
Sipas axhendës së publikuar nga PS puna e Kongresit do të ndahet në tre pjesë.
Në pjesën e parë do të bëhet hapja e Kongresit, ku do të mbajë fjalën hyrëse Sekretari i Përgjithshëm i PS, Taulant Balla e më pas gjithë kabineti qeverisës si dhe disa kryebashkiakë.
Kryeministri Rama do të flasë në pjesën e dytë të Kongresit, pas fjalës së mbajtur nga Kryetarja e PS-së në Tiranë Blerina Gjylameti dhe kryebashkiakut Veliaj, I cili do të prezantojë dhe anëtarët e Këshillit Bashkiakë për kryqytetin.
Seanca e dytë e Kongresit pritet që të mbyllet rreth orës 13:00 për të filluar më pas me seancën përfundimtare, e cila do të zhvillohet në tre panele.
Seanca e tretë do të startojë në orën 15:00 tek Pallati Kongreseve me Bashkitë që Duam e më pas do të fokusohet tek të rinjtë.
Por nga ana tjetër Kongresi Elektoral I PS, do t’I zhvendosë punimet tek Hotel Sheraton ku do të diskutohet mbi Reformën Zgjedhore dhe votën e emigrantëve.
Kongresi do t’I mbyllë punimet në orën 17:00.