Policia e Durrësit ka arrestuar një 66-vjeçar, për veprat penale ndërtim i paligjshëm dhe pushtimi i tokës. Bëhet fjalë për shtetasin me iniciale I. K., banues në Durrës.
Uniformat blu, në bashkëpunim me IKMT-në, te Shkëmbi i Kavajës, para lokalit të shtetasit I. K. kanë konstatuar se ai kishte zaptuar në mënyrë të paligjshme një sipërfaqe toke, pronë publike plazh, duke e rrethuar me mur dhe plate betoni.
Ndërkohë, IKMT ka plotësuar dokumentacionin për prishjen e këtij ndërtimi brenda 5 ditësh.
