Situata e vështirë politike në Shqipëri duket se ka sjellë shqetësim edhe në radhët e vendeve fqinje.
Kryeministri Maqedonas, Zoran Zaev deklaroi se vetëm bashkëpunimi mes qeverisë dhe opozitës e çon vendin përpara.
Në konferencën e mbajtur me kryeministrin Rama, Zaev theksoi se ai vetë ka pasur prioritet integrimin e Maqedonisë së Veriut në BE edhe kur ishte në opozitë.
Zaev deklaroi se vetëm dialogu mund ta çojë vendin drejt BE-së ndërsa theksoi se shpreson në një përgjigje pozitive për të dy vendet në qershor.