Policia e Durrësit ka zbardhur ngjarjen e rëndë që ndodhi mesditën e së premtes në Shijak ku disa persona u përplasen me armë zjarri e për pasojë mbeti i plagosur aksidentalisht Enidor Dedja.
Shkak për këtë përplasje ka qenë një histori dashurie që kishte përfunduar rreth një muaj më parë. Burimet bëjnë me dije se Albano Domi ishte lidhur me një vajzë të cilën vijonte ta përndiqte edhe pse ishin ndarë.
Lexo edhe :
Related Posts
E reja ia ka shprehur si shqetësim të motrës, e kjo e fundit ka vënë në dijeni bashkëshortin e saj Xhejms Palodhi. Ai u takua të enjten me Albano Domin në Durrës me të cilin u konfliktua fizikisht.
Një ditë më pas, Palodhi bashkë me shokun e tij Arbër Hoxha shkuan sërish në Shijak për tu sqaruar me Albano Domin.
Mes tyre nisi një përplasje fizike e në këto momente Arbër Hoxha nxori armën duke qëlluar ndaj të riut.
Një prej plumbave plagosi aksidentalisht Enidor Dedjan i cili nuk kishte lidhje me konfliktin.
Policia sqaroi edhe Albano Domi është kundërpërgjigjur me armë zjarri, por fatmirësisht nuk pati të lënduar.
Efektivët arrestuar Domin për kanosje dhe armëmbajtje pa leje. Ndërkohë në kërkim janë shpallur Xhejms Palodhi dhe Arbër Hoxha të cilët akuzohen për vasje me dashje të mbetur në tentativë dhe armëmbajtje pa leje.
