Ambasadorja amerikane, Yuri Kim i bëri apel Strukturës së Posaçme Antikorrupsion të hetojë ata që përfshihen në krime zgjedhore.
Kim tha në rrjetet sociale se qytetarët duhen lejuar të votojnë të lirë të dielën.
“Ne e nxisim SPAK të ndjekë penalisht ata që shkelin ligjin dhe pengojnë të drejtën e qytetarëve për të votuar lirshëm dhe në paqe. Kjo përfshin ata që merren me blerjen e votës, frikësimin ose nxitjen e dhunës. SPAK po heton në mënyrë aktive krimet zgjedhore.”
Në SPAK janë dorëzuar 91 kallëzime për krime zgjedhore.