Yuri Kim: Shqipëria do të ketë këtë javë një nga dy gjyqtarët e nevojshëm për Gjykatën Kushtetuese

Ambasadorja e Shteteve të Bashkuara të Amerikës, Yuri Kim reagoi pas vendimit të Këshillit të Emërimeve në Drejtësi për t’i dërguar Parlamentit emrin e Altin Binajt për Gjykatën Kushtetuese.

Yuri Kim u shpreh shpresëplotë se kjo gjykatë do të jetë funksionale shumë shpejt, sapo Presidenca të emërojë kandidaturën e vet.

“Sot, KED përfundoi vlerësimin dhe i dërgoi Parlamentit listën e kandidatëve të kualifikuar për Gjykatën Kushtetuese. Kjo do të thotë që Shqipëria do të ketë këtë javë një nga dy gjyqtarët e nevojshëm për një gjykatë funksionale. Sapo Presidenca të emërojë gjyqtarin e saj, Gjykata Kushtetuese do të jetë funksionale. Faleminderit të gjithëve për ndërmarrjen e masave urgjente!”, tha Yuri Kim në “Twitter”.