Presidenti kinez Xi Jinping tha sot se mbajtja e lidhjeve të ngushta me Rusinë është një “zgjedhje strategjike” dhe bëri thirrje për bashkëpunim edhe më të thellë dypalësh gjatë një takimi me kryeministrin rus Mikhail Mishustin në Pekin.
“Mbajtja dhe zhvillimi i marrëdhënieve midis Kinës dhe Rusisë është një zgjedhje strategjike e bërë nga të dyja palët, bazuar në interesat themelore të dy popujve tanë”, sipas deklaratës së Xi të transmetuar nga transmetuesi shtetëror kinez CCTV.
❗️Russian PM Mishustin Meets with Chinese President Xi Jinping in Beijing pic.twitter.com/M1XRnL35yv
— RT_India (@RT_India_news) December 20, 2023
Të dy vendet duhet “të zgjerojnë vazhdimisht efektet pozitive të lidhjeve të tyre politike të nivelit të lartë” dhe “të thellojnë bashkëpunimin në fushat e ekonomisë, tregtisë, energjisë, lidhjes dhe fushave të tjera”, shtoi Xi.
Marrëdhëniet kino-ruse janë ruajtur dhe madje janë forcuar pas pushtimit të Ukrainës nga Moska në fillim të vitit 2022, pavarësisht sanksioneve perëndimore kundër Rusisë dhe paralajmërimeve nga G7.
Marrëdhëniet midis Pekinit dhe Moskës “kurrë nuk kanë qenë kaq të mira”, tha Mishustin, duke shprehur kënaqësinë e tij ditë e djeshme.
Vizita që kryeministri rus po bën dje dhe sot në Kinë bëhet dy muaj pasi presidenti rus Vladimir Putin shkoi për të takuar Xi Jinping në Pekin. Një gjeneral i lartë kinez u prit gjithashtu në Moskë në nëntor./vizionplus.tv
