Taulant Xhaka është rikthyer te jete titullar me Baselin ndërsa skuadra e tij mundi 3 me 2 Grasshoper ne javën e 4 te kampionatit zviceran, sfide e cila u transmetua në Tring HD. Mesfushori Grintoz i penalizuar nga skemat e trajnerit të ri Rafael Viki, ka bërë një paraqitje pozitive ne 72 minutat që luajti si titullar.
Madje Xhaka ishte protagonist i zhbllokimit të rezultatit në minutën e 29, teksa një këmbëngulje e tij brenda zonës, bëri që topi i hedhur nga mesfushori drejt qendrës se zonës të devijohej drejt portës nga kapiteni i ekipit mik Vilotic.
Një autogol që ia bëri më të lehte lojën skuadrës kampione të Zvicrës, e cila në fund të pjesës së parë do të dyfishonte shifrat me anë të Van Volfsvinkel. Holandezi që u ble gjatë verës nga Vitese, do të realizonte edhe golin e trete të ekipit dhe të dytin personal në minutën e 60 me 11-metersh duke dhënë përshtypjen e nje ndeshje te mbyllur.
Por në minutën e 70 në një nga aksionet e pakta të miqve, ishte Anderson që shënoi një gol të bukur që i dha më shumë entuziazëm lojës së Grashoper. Aktivizimi i dy lojtarëve me origjine shqiptare Bajrami dhe mbi të gjitha Albion Ajeti i dha më shumë freski lojës sulmuese te miqve të cilët në të 77 hapen plotësisht ndeshjen falë golit të dyte të shënuar nga Vilotic.
Jo vetëm kaq, por Ajeti mund të kishte barazuar disa minuta më vonë, por Basel ia dalo që të marrë tre pikë të çmuara që e ngjisin në kuotën e 9 pikëve në renditje, aq sa ka edhe Young Boys. Vendi i parë në Zvicër mbahet nga Zyrich që mundi 2 me 0 skuadrën e Sion ku luajti titullar Ermir Lenjani ndërsa blerja e re Kukeli nuk ishte gati për këtë sfide.
