Ministri i Brendshëm Fatmir Xhafaj ka takuar strukturat drejtuese të Drejtorisë Vendore të Policisë në Vlorë, ku ka folur për masat dhe trajtimin e problematikës që lidhet me mbarëvajtjen e sezonin veror.
Gjithashtu në këtë takim është diskutuar mbi masat për parandalimimin e ngjarjeve kriminale dhe mbajtjen nën kontroll të elementëve me precedentë penalë dhe u trajtua ecuria e hetimeve për goditjen e grupeve kriminale në këtë qark, në kuadër të operacionit “Forca e Ligjit”.
Ministri Xhafaj vlerësoi për punën me shumë përkushtim, Drejtorin Vendor të Vlorēs dhe ekipin e ri drejtues.
Ndërkohë pritet që Policia Kufitare në Vlorë të aplikojë lexuesit e lëvizshëm të pasaportave, për të shmangur rradhët në hyrje e dalje në Port dhe lehtësuar lëvizjen e qytetarëve.
Ndër të tjera ministri i kërkoi nga autoritetet policore në Port, një shërbim më të mirë dhe komunikim më etik, marrë shkas nga disa njoftime të qytetarëve në Komisariatin Dixhital dhe mesazhe dërguar atij.
