Ministrja e Punëve të Jashtme, Olta Xhaçka ka dënuar ashpër sulmet rusë të orëve të fundit, në Ukrainë.
Përmes një reagimi në Twitter, Xhaçka shkruan se brutaliteti dhe terrori nuk do ta ndihmojnë Rusinë, përkundrejt rezistencës heroike të Ukrainës.
Ministrja ka shprehur sërish mbështetjen ndaj vendit të sulmuar, Ukrainës.
“Sulmet e Rusisë kundër objektivave civile në disa qytete të Ukrainës, përfshrië edhe Kievin, janë një akt i qartë terrorizmi. Kjo është natyra e vërtetë e luftës ruse të Putin kundër #Ukrainës. Brutaliteti dhe terrori nuk e kanë ndihmuar Rusinë kundrejt rezistencës heroike të Ukrainës. As kjo nuk do të ndihmojë. Ne qëndrojmë më Ukrainën.”– shkruan Xhaçka.
Sulmet e fundit të Moskës kanë shënjestruar qytete të ndryshme të Ukrainës, duke vrarë e plagosur dhjetëra qytetarë civilë e duke shkatërruar infrastrukturë.
Këto sulme vijnë si përgjigje ndaj shpërthimit të pak ditëve më parë në urën ‘kyçe’ që lidh Rusinë me rajonin e aneksuar, Krimenë.
