Arsene Wenger duket se nuk do të ulet më në pankinë për të drejtuar një skuadër futbolli.
Kjo për faktin se Wenger është emëruar shef i Zhvillimit Global të Futbollit, në FIFA-s. Vendimi u bë i ditur nga institucioni më i lartë i futbollit.
Wenger do të mbikëqyrë panelin e hartimit të rregullave, programet stërvitore dhe analizën teknike të lojërave në turnetë e FIFA-s. Pozicion ky që më përpara mbahej nga Marco van Basten.
Emri I teknikut francez gjatë ditëve të fundit ishte përmendur si një nga kandidatët kryesor për të marrë drejtimin e Bayern Munich.
Wenger për 22 sezone ka drejtuar klubin e Arsenal me të cilin fitoi tre Premier League dhe shtatë FA Cup.