Presidenti i Serbisë, Aleksandër Vuçiç, ka deklaruar këtë të martë se nuk sheh zgjidhje për çështjen e targave me Kosovën.
Ai u tregua i dorëzuar përballë vendimit të Prishtinës teksa tha se nga 1 shtatori Kosova do të përpiqet t’i detyrojë serbët të ndryshojnë targat e veturave të tyre.
ALEKSANDËR VUÇIÇ
PRESIDENTI I SERBISË
Në 1 shtator shqiptarët do të shkojnë me fushatë dhe përpjekje për t’i detyruar serbët të ndërrojnë targat. Nuk mendoj se do të kenë shumë sukses në këtë çështje.
Vuçiç pohoi se kryeministri Kurti kishte thënë në Bruksel se beson se do të jetë një sukses i madh nëse serbët zëvendësojnë targat.
ALEKSANDËR VUÇIÇ
PRESIDENTI I SERBISË
Edhe pse kryeministri i Kosovës, Albin Kurti, tha në Bruksel se do të jetë i suksesshëm dhe se serbët do të jenë të interesuar që t’i ndryshojnë targat. Le të shohim, është një proces që do të zgjasë. Nuk ka asnjë shans që kjo çështje të zgjidhet para 1 shtatorit. Por duhet të presim dhe të shohim, pres bisedime të rëndësishme në Open Balkan. Do të kemi shumë ndërmjetës që do të vijnë nga Evropa dhe bota, por për momentin nuk shoh asnjë mundësi për përparim sepse nuk ka dëshirë nga ana e Prishtinës për të diskutuar zgjidhje racionale dhe kompromisi.
Qeveria e Kosovës ka argumentuar se qytetarët do të kenë afat dy muaj për t’i riregjistruar makinat në targa RKS, pra Republika e Kosovës. Vlerësohet se 10.000 automjete qarkullojnë në veriun e banuar me shumicë serbe me targa të ndryshme, por tashmë pas 1 shatorit ato do të ndryshojnë.
