Njëzet e katër ushtarë janë vrarë gjatë një sulmi të militantëve në Malin lindor.
Ushtria ka bërë me dije se 29 të tjerë u plagosën gjithashtu gjatë një operacioni të përbashkët midis trupave nga Mali dhe Nigeri në rajonin kufitar Gao.
Ushtria e Malit pohoi se gjatë sulmit 17 “terroristë” u vranë dhe 100 persona të tjerë të dyshuar po mbaheshin në Tiloa, në Niger.
Sipas BBC, detajet e sulmit të së hënës janë të paqarta dhe autoritetet nuk e kanë identifikuar se cilit grup fshihet pas sulmit.
Mali ka pësuar dhunë që nga 2012 kur militantët islamikë shfrytëzuan një kryengritje separatiste në Tuareg, duke kapur disa qytete kryesore.
Me ndihmën e Francës, ish-sunduesit të saj evropian, forcat Maliane rifituan kontrollin e territorit të humbur te xhihadët.
