Vrau me thikë kuzhinierin në ambientin e punës, ky është autori 41-vjeçar

Ky që shihni në foto është Filip Shehu, autori i ngjarjes së rëndë në zonën e Komunës së Parisit, në ambientet e një lokali.

Shehu u arrestua nga policia, pasi dyshohet se gjatë një konflikti për motive të dobëta, ka goditur me mjet prerës kuzhinierin, Indrit Ismaillarin, 34-vjeç.

Lexo edhe :

DETAJE/ Vrasja e kuzhinierit në Tiranë, 34-vjeçari u godit me thikë në bark dhe qafë nga kolegu

EMRAT+DETAJET- U godit nga picieri në ambientin e punës, ndërron jetë kuzhinieri, si ndodhi ngjarja

U godit tri herë me thikë nga kolegu në ambientet e punës, ky është viktima 34-vjeçar

Vrasja e kuzhinierit në Tiranë, policia zbulon detaje: 34-vjeçari u godit me thikë gjatë konfliktit me picierin

Fatkeqësisht kuzhinieri ka humbur jetën në spital, si pasojë e plagëve të marra.

“Rreth orës 15:30, në zonën e Komunës së Parisit, në ambientet e një lokali, shtetasi F. Sh., rreth 41 vjeç, dyshohet se gjatë një konflikti për motive të dobëta, ka goditur me mjet prerës shtetasin I. I., rreth 34 vjeç, të dy punonjës të lokalit.

Shtetasi I. I. ka humbur jetën në spital, si pasojë e plagëve.

Falë reagimit të menjëhershëm të shërbimeve të Policisë, autori i dyshuar, shtetasi F. Sh., është kapur dhe shoqëruar në Komisariat, menjëherë pas ngjarjes.

Grupi hetimor vijon punën për përcaktimin e rrethanave dhe dokumentimin e plotë të rastit”, thuhet në njoftim.

/vizionplus.tv