Një 30-vjeçar i shpallur në kërkim ndërkombëtar është arrestuar nga policia e Lezhës.
Gëzim Gjini ishte në kërkim nga autoritetet italiane që kishin vendosur ndaj tij arrest në burg për vrasje.
I riu akuzohet se është organizatori i vrasjes së kunatit, bashkëshortit të motrës, ngjarje e ndodhur në Itali më 13 dhjetor të vitit të kaluar.
Për ta kryer krimin, ai ka bashkëpunuar me 2 persona të tjerë.
30-vjeçari u lokalizua në një lokal në aksin rrugor Lezhë-Milot, ku u arrestua.
Pritet që Gezim Gjini të ekstradohet drejt Italisë.