Gjykata e Tiranës ka dënuar me burgim përjetë, Përparim Ademin për ngjarjen që tronditi Tiranën rreth dy vite më parë.
Ademi është dënuar për akuzën për vrasje për shkak të marrëdhënieve familjare pasi vrau dy motrat Zhaneta Metani e Kristina Bardhi me të cilat kishte lidhje intime dhe dyshonte se njëra prej tyre e tradhëtonte.
Gjatë dy viteve pas ngjarjes Ademi ka kërkuar disa herë të fitojë lirinë duke u justifikuar se vuan nga probleme të shëndetit mendor por kjo kërkesë është rrëzuar.
Ademi e kreu krimin makabër me breshëri kallashnikovi në ditën e vitit të ri, 31 dhjetor 2020 në banesën e dy motrave në Tiranë.
