Prokuroria e Krimeve të Rënda, ka shpallur në kërkim një tjetër person, pasi dyshohet se është implikuar në ngjarjen e 4 tetorit në ish-Bllok, ku mbeti i vdekur Fabiol Gaxha dhe u plagos biznesmeni Ervis Martinaj.
Informacionet bëjnë me dije se është shpallur në kërkim nga prokurorët e çështjes, Kreshnik Ajazi dhe Artan Lulo kanë shpallur në kërkim Ajaks Boshnjakun. Boshnjaku dyshohet se ka lidhje miqësore me Ervin Matën, të dashurin e këngëtares Elvana Gjata, e cila dyshohet se ishte “molla e sherrit” në vrasjen që ndodhi në lokalin “Monopol”.
Gjithashtu përveç tij, vazhdojnë të jenë në kërkim edhe vetë Ervin Mata, miku i tij Fabjol Alushaj dhe komando Mervjol Bilo.
Nga hetimet rezulton se ai ka qenë i pranishëm në lokal në momentin kur komandoja Bilo përdori armën për të neutralizuar sulmin e Fabiol Gaxhës, duke vrarë këtë të fundit dhe duke plagosur Ervis Martinajn e Elio (Esmerald) Haton.
