Është shtyrë sërish seanca gjyqësore ndaj Arbër Paplekajt, i cili akuzohet për vrasjen e Pjerin Xhuvanit në 21 prill 2021.

 

Burime për Vizion Plus bëjnë me dije se shkak i shtyrjes, është bërë pasi trupi gjykues vlerësoi të nevojshme të marrë kohën e mjaftueshme sipas ligjit për të shqyrtuar kërkesat paraprake të paraqitura nga avokatët e të pandehurve si edhe t’i jepet kohë për t’u njohur me shpjegimet e prokurorëve të kësaj çështje.

 

Gjithashtu nga avokatët është kërkuar ndarje e çështjes së Paplekajt nga ajo e policëve. Mes të tjerash u kërkua edhe pavlefshmëri e disa akteve të hetimit.

 

Arbër Paplekaj nuk ishte i pranishëm në seancën e sotme.

Leave a Reply

Your email address will not be published. Required fields are marked *