Policia e Tiranës ka dhënë informacion lidhur me vrasjen e Lulzim Vishës ditën e sotme në zonën e Zall Mnerit.
Blutë bëjnë me dije se në fshatin Zgafnor, në Zall-Herr, gjatë kontrollit të territorit është konstatuar i djegur një automjet tip “Porsche” i dyshuar i përdorur nga autori/ët e ngjarjes.
Lexo edhe :
Related Posts
Nga këqyrja e automjetit, në brendësi të tij, është gjetur një armë e gjatë zjarri, e dyshuar si arma e përdorur nga autori/ët.
Gjatë verifikimeve për targat e automjetit ka rezultuar se targat janë të vjedhura që në muajin Prill 2023, në Kamëz.
Policia vijon punën për identifikimin dhe kapjen e autorit/ve si dhe për sqarimin e rrethanave dhe dokumentimin ligjor të ngjarjes.
48 vjeçari Lulzim Visha u gjet i vrarë me armë në makinën i tij, në zonën e Zall Mnerit, në Dajt.
Ishte një nga banorët e zonës që pa trupin e pajetë dhe më pas njoftoi policinë. Lulzim Visha kishte dalë nga shtëpia për të shkuar në punë. Ai punonte postier dhe është qëlluar brenda automjetit të një poste private.
Dyshimet paraprake të policisë janë që 48-vjeçari të jetë nxjerrë në pritë. Banorët e zonës i thanë policisë se nuk kanë dëgjuar të shtëna, dhe kjo ka ngritur dyshimet se mund të jetë vrarë me pistoletë me silenciator.
Ndërkohë që në makinë janë gjetur mbi 12 gëzhoja pistolete. Shkak i vrasjes dyshohet një hasmëri e mundshme mes viktimës Lulzim Visha dhe personave të tjerë, pasi shumë vite më parë, vëllai i Lulzim Vishës ka vrarë një tjetër person.
I vëllai i viktimës është jashtë shtetit dhe e ka kryer dënimin për vrasjen e kryer në 1997.
Një tjetër pistë që është ngritur nga grupi hetimor është ajo e një konflikti që dy vëllezërit kanë pasur kohët e fundit me disa persona të tjerë në zonën e Zall Mnerit./vizionplus.tv
