Gjykata dënoi sot me 50 vjet burg në total Faik dhe Shkëlzen Bucin, babë e bir. Ata u akuzuan nga prokuroria se në bashkëpunim me njëri tjetrin, se vranë vajzën e shtëpisë, pas konflikteve familjare.
Ata do të vuajnë secili nga 25 vjet heqje lirie, me akuzat e vrasjes me paramendim dhe armëmbajtjes pa leje.
Pas gjetjes së trupit të pajetë të vajzës në malin me gropa, hetuesit arritën të zbardhnin krimin e rëndë, falë dëshmisë së dhënë nga një i afërm i familjes Buci.
Ai tregoi se në shtator 2012, kishte qenë në makinën e Shkëlzenit, shokut të tij, kur ai kishte marrë të motrën e më pas e qëlloi atë në një zonë të thellë. Akuza provoi se urdhri për vrasjen erdhi nga vetë babai i vajzës Faiku.
Shkak për krimin e rëndë u bënë grindjet e vazhdueshme, që vajza kishte me të atin dhe vëllain, për mënyrën e jetesës.
Vendimi gjykatës së Shkallës së Parë, pritet të apelohet nga të pandehurit, pasi asnjëri prej tyre nuk e ka pranuar akuzën.
