Vrasja e biznesmenit Hoxha, arrestohet edhe vëllai i autorit, dyshohet se bashkëpunoi në krim
Lidhur me vrasjen e biznesmenit Ruzhdi Hoxha, përveç autorit Fredi Rrushi, policia njofton se ka vënë në pranga edhe vëllanë e tij, Pajtim Rrushi, 42 vjeç. Ai akuzohet për veprat penale “Veprime që pengojne zbulimin e të vërtetës” dhe “ Fshehje ose asgjësim i kufomës“, i dyshuar si bashkëpunëtor në ngjarje.
Rrushi u zbulua nga policia të ishte personi i fundit që kishte shoqëruar biznesmenin nga Kamza, ndërsa gjatë gjurmimit policia zbuloi se ai ishte pronar i një parcele me kanabis në Dajt, si dhe ishte i shpallur në kërkim ndërkombëtar nga Italia.
Hoxha u gjet i vrarë këtë të shtunë në zonën e Qafë Mollës pas malit të Dajtit. Ai ishte zhdukuar pa lënë gjurmë që prej datës 20 tetor, kur edhe familjarët e tij bënë kallëzimin pranë komisariatit numer 5 në kryeqytet.
