Parlamenti grek votoi ligjin që do të shtrijë ujërat territoriale me 12 milje në Detin Jon, deri në Kepin Tainaro në Peloponez.
Me 284 vota pro, 16 abstenime dhe asnjë kundër, deputetet grek aprovuan vendimin e quajtur historik.
Gjatë fjalimit te tij, kryeministri grek kiriakos mitsotakis, tha se kreu i qeverisë shqiptare, edi rama, ka pranuar faktin që zgjerimi territorjal në zonat detare është e drejte e athinës zyrtare.
KYRIAKOS MITSOTAKIS
KRYEMINISTER NE GREQI
“Në të njëjtën kohë, Ministri i Jashtëm Grek bashkëpunoi me homologun e tij shqiptar dhe tani çdo mosmarrëveshje me Tiranën po shkon drejt gjykates ndërkombëtare. Ne fakt, Kryeministri i Shqipërisë deklaroi në mënyrë të qartë dhe pa mëdyshje se zgjerimi prej 12 miljesh është një e drejtë e patjetërsueshme sovrane e Athinës, duke shtuar një argument tjetër në favor të pozicionit tonë që ujërat e Mesdheut mund të bashkohen në vend që të ndajnë popujt.”
Që nga viti 1947, sipas mitsotakis greqia po rritet duke zbatuar te drejtën e Konventës.
“Greqia po rritet përsëri. Për herë të parë që nga aneksimi i Dodekanezit në 1947, territori kombëtar është zgjeruar me rreth 10%, jo nga shkëputja e territoreve, as në kurriz të vendeve të tjera, por nga ushtrimi i të drejtave sovrane në zonën e detit.”
Parlamenti grek është thirrur për të votuar rritjen e sovranitetit territorial te vendit me zgjerimin e zonës bregdetare në Detin Jon, për herë të parë që nga viti 1947.
Në këtë dekret bëhen të qarta kordinatat gjeografike për mbylljen e 39 gjireve dhe limaneve të vogla në Greqinë Perëndimore dhe në shtatë ishujt e mëdhenj të Jonit.
