Në ditën botërore të grave, ambasadoret femra të akredituara në Shqipëri kanë zgjedhur që përmes një video mesazhi të nxisin të gjithë gratë të marrin pjesë në zgjedhjet e 25 prillit.
“Të gjithë kanë arsye për të votuar. Sot, në ditën ndërkombëtare të grave, është koha të kujtojmë se vota jonë është fuqia jonë, prandaj përdoreni atë! Informohuni për zgjedhjet! Merrni pjesë! Votoni zgjedhjen tuaj!” – thuhet në mesazhin e shpërndarë nga ambasada amerikane, por dhe të gjithë ambasadat e tjera në vend.
