Von der Leyen: BE do të japë “OK” për vaksinën brenda një jave

Presidentja e Komisionit Evropian, Ursula Von der Leyen deklaroi se vaksina e parë anti-COVID do të autorizohet nga BE brenda një jave.

Vaksinimet, sipas saj, do të nisin në të njëjtën ditë për të gjitha vendet.

“Do të ketë doza të mjaftueshme për të gjithë. Kemi negociuar për një portofol të gjerë vaksinash. Ne kemi blerë doza të mjaftueshme për të gjithë në Evropë dhe do të jemi në gjendje të mbështesim fqinjët dhe partnerët tanë në botë përmes grupit COVAX. Kjo në mënyrë që të askush të mos mbetet pas.”