Një 35-vjeçar nga Fieri u arrestua në flagrancë, pasi një ditë më parë kishte vjedhur një makinë “Range Rover” në zonën e Lungomares, në Vlorë.
Pasditen e së hënës, shoferja e “Range Roverit” la makinën ndezur me bllokazh për të shkuar në market, por pasi u kthe nuk e gjeti më automjetin.
Pas denoncimit, policia u vu menjëherë në ndjekje të autorit, lëvizjet e të cilit u zbuluan falë kamerave të sigurisë në zonë. Policia e ndaloi të riun në autostradë, pranë fshatit Panaja.
35-vjeçari rezulton me precedentë të mëparshëm, ndërsa vetëm tre ditë më parë ishte shoqëruar sërish në polici për vjedhje.
