Policia e Tiranës ka arrestuar një 19-vjeçar ndërsa ka nisur hetimet për dy persona të mitur, pasi të tre së bashku akuzohen se kanë vjedhur pajisje elektronike në një shkollë në Babrru.
Gjatë natës së 10 janarit, policia mori njoftim se ishte thyer dera e një shkolle në Babrru dhe ishin vjedhur aty, disa pajisje elektronike.
Pas hetimeve u identifikuan autorët e dyshuar të rastit. Njëri prej tyre, shtetasi E. N., 19 vjeç, u kap dhe vu në pranga, ndërsa për 2 bashkëpunëtorët e tij, të moshave 14 dhe 17 vjeç (nxënës të kësaj shkolle), filloi procedimi në gjendje të lirë.
Pajisjet e vjedhura, konkretisht: 3 kompjuterë, 1 laptop, 5 tastiera kompjuteri, 3 monitorë, 1 celular dhe 2 bokse, u gjetën të fshehura nga këta 3 shtetas dhe u sekuestruan nga Policia, me cilësinë e provës materiale./vizionplus.tv
