Policia e Tiranës ka arrestuar dy persona, të cilët akuzohen se kanë vjedhur në një biznes në Kamëz.
Në pranga u vu shtetasi A. S., 21 vjeç, banues në Kamëz, i dënuar më parë për vjedhje, si dhe një shtetas 18-vjeçar.
Dje, dy të rinjtë, në bashkëpunim me njëri-tjetrin, kanë vjedhur produkte dhe shuma parash në një subjekt tregtar.
Nga veprimet hetimore është bërë e mundur edhe zbardhja dhe dokumentimi i autorësisë për 2 vjedhje të tjera të ndodhura më parë, të kryera nga këta dy shtetas, konkretisht:
Më datë 18.11.2025 dhe 29.01.2026, këta shtetas dyshohet se kanë vjedhur shuma parash në 2 biznese.
Materialet procedurale i kaluan Prokurorisë, për veprime të mëtejshme.
