Policia e Gjirokastrës ka arrestuar dy persona, njëri prej tyre i mitur pasi akuzohen se kanë vjedhur me thyerje sende të ndryshme në një banesë.
Më datë 18 mars, shtetasi B. M., kallëzoi se persona të paidentifikuar kishin hyrë me forcë në banesë duke thyer derën dhe kishin vjedhur pajisje dhe sende të ndryshme.
Policia identfikoi dhe arrestoi në kuadër të operacionit “Mazhan” dy të rinjtë, J. B., 22 vjeç banues në Ersekë dhe një 16-vjeçar, banues në Këlcyrë, si autorë të dyshuar të ngjarjes.
Gjatë operacionit, shërbimet e Policisë kanë ushtruar kontroll në një ndërtesë të vjetër në fshatin Mazhan, ku kanë gjetur dhe sekuestruar 1 armë zjarri gjysmë automatike, që dyshohet se e kishin fshehur këta shtetas.
Gjithashtu, policia ka sekuestruar në cilësinë e provës materiale pajisjes dhe mjetet e vjedhura, të cilat këta shtetas i kishin shitur./vizionplus.tv
