Vlorë, një alarm fals për tritol

Një makine e parkuar para Drejtorisë së Policisë së Vlorës alarmoi forcat xheniere pas dyshimeve se bëhej fjalë për makinë bombë. Një shqetësim të tillë e ngriti vetë pronari i mjetit, sipas të cilit, në makinën  e tij mund të ishte vendosur tritol. Por pas kontrollit, alarmi rezultoi fals. Forcat xheniere inspektuan në imtësi automjetin tip Bmw të parkuar në lagjen Kushtrimi dhe brenda apo jashtë saj s’kishte lëndë eksplozive. Pronari emri i të cilit nuk bëhet i ditur, ishte ndaluar një natë më parë dhe në Fier nga policia për kontroll rutinë, por më pas ishte lënë i lirë.