Vllaznia e futbollit të femrave kaloi provën e parë drejt ëndrrës për të kapur sërish fazën e grupeve të Champions League.
Vajzat shkodrane mundën 3 me 0 kampionet e Gjerogjisë Lanchkhuti në gjysmëfinalen e grupit 2. Sfida e luajtur në Kutaisi të Gjeorgjisë konfirmoi diferencën në letër mes dy ekipeve dhe ashtu sikurse parashikohej, Vllaznia ishte dominuese. Për të zhbllokuar shifrat mendoi Megi Doçi, golashënuesja e njohur shkodrane në fundin e pjesës së parë.
Ekipi shqiptar nuk u mjaftua me kaq në pjesën e parë por në minutat shtesë ia doli edhe të dyfishojë rezultatin përmes një gjuatje të sakte me kokë të sulmueses së re Klaudia Borçi. Pavarësisht përpjekjes së vajzave gjeorgjiane për të shënuar në portën e Vllaznisë, vajzat kuqeblu jo vetëm që nuk lejuan prekjen e rrjetës por shënuan edhe golin e tretë me Xhesika Ndoj, gol që mbylli ndeshjen me rezultatin e pastër 3 me 0.
Vllaznia është gati për finale e grupit 2, që do të luhet po në Gjeogji. Përballë do të jenë kampionet e Austrisë, St.Polten, skuadër që mundi kampionen e Azerbajxhanit.
Në rast se Vllaznia fiton finale e të shtunës do të ketë mundësi të kualifikohet në turin e dytë të Champions League, që do të jetë ajo e fazës së grupeve e cila nis në muajin tetor./vizionplus.tv
