Aleksander Murataj, 41 vjeç dhe Dritan Sinani, 43 vjeç të dyshuar si pjesë e bandës që grabiste makinat e bankës në rrugën e Rinasit janë vënë në pranga.
Arrestimi u bë mbrëmjen e së mërkurës nga specialistet e krimeve te renda, ne bashkëpunim me forcat operacionale te Tiranës.
Më 18 shkurt, policia bëri të mundur arrestimin e kreut të bandës Admir Çerpja. Prangosja e tij, i njohur ndryshe edhe si Xhuljano Çerpja, banues në Bathore, u realizua në Dibër nga forcat speciale.
Deri tani janë arrestuar edhe Fatjon Xhyliu, Ditjon Memlika, Neim Avdyli dhe Ernest Kupa, për të cilët gjykata vendosi masën e sigurisë arrest me burg.
Ndërkohë, mbetet ende në kërkim Admir Murataj. Këta persona akuzohen për grabitjen e 3.2 milione dollarëve në Qafë Kashar e po ashtu dyshohet se jane te njëjtët persona qe realizuan edhe vjedhjen me dhune te nje tjetër sasie parash ne 3 dhjetor te 2015.
