Ish-drejtori i Qendrave për Kontrollin dhe Parandalimin e Sëmundjeve, Robert Redfield, beson se koronavirusi e ka origjinën nga një laborator në Wuhan. Mirëpo, Redfield thekson se ky është vetëm mendimi i tij dhe jo një fakt i provuar.
“Më lejohet të kem mendime dhe unë besoj se ky patogjen ka dalë nga një laborator në Wuhan. Nuk është e pazakontë që patogjenët e frymëmarrjes të punohen në një laborator për të infektuar një punëtor laboratori” , tha ai, duke shtuar se në asnjë moment nuk ka pohuar se virusi u lëshua me qëllim.
Sipas Redfield, i cili kryesoi CDC në administratën e Donald Trump, mendon se sëmundja e lakuriqëve të natës, nuk ka gjasa të bëhet kaq shpejt një nga viruset më ngjitës dhe të transmetohet nga personi në person.
Mirëpo, një ekip ekspertësh nga Organizata Botërore e Shëndetësisë, Anthony Fauci dhe një numër ekspertësh të virologjisë kanë thënë se provat për të mbështetur një pretendim të tillë nuk ekzistojnë, duke mos u dakordësuar me “teorinë laboratorike kineze”.
Zëdhënësi i Shtëpisë së Bardhë, Jen Psaki tha të premten se OBSH kishte hetuar çështjen dhe se do të botonte një raport në të ardhmen e afërt për të mësuar ëm shumë detaje rreth COVID.
Psaki nënvizoi se “bota mund të jetë më e përgatitur për krizat e ardhshme”.
