Vijon përplasja në rrugët e Tiranës, protestuesit u vënë zjarrin kazanëve të plehrave

Protestuesit dhe policia vijojnë të përplasen në rrugët e Tiranës. Një grup protestuesish, pas largimit nga Kryeministria, kanë nisur të djegin kazanët e mbeturinave dhe stolat.

Protestuesit po bllokojnë rrugët me flakë për të ndalur policinë, e cila është vënë në ndjekje të tyre.

Kujtojmë se gjatë ditës së sotme pati përplasje të forta për disa orë para Kryeministrisë, ku ndaj uniformave blu u hodhën gurë, fishekzjarrë dhe sende të forta, ndërsa policia u kundërpërgjigj me gaz lotsjellës.