Persona të paidentifikuar hynë me forcë në një degë banke në zonë e Gelsenkirchen në Gjermani duke përfituar nga festat e Krishtlindjes.
Sipas mediave gjermane ata përdorën një shpues special, kaluan nëpër një parking fqinj dhe arritën të hynin në ambientet e bankës ku hapën një numër të madh kasafortash. Vlerësohet se ata hapën mbi 3,200 kasaforta, ndërsa dyshohet se kanë arritur të marrin 30 milionë euro.
Pas grabitjes spektakolare ata dyshohet se u larguan me një makinë. Targa ishte vjedhur nga një makinë në Hanover.
“Vjedhja me thyerje u krye me të vërtetë shumë profesionalisht. Autorët duhet të kishin shumë inforacione në mënyrë që të planifikonin dhe kryenin një veprim të tillë”, tha një zëdhënës i policisë.
Alarmi i zjarrit u aktivizua nga pluhuri i shkaktuar nga trapani, pavarësisht faktit se autorët përdorën një sasi të madhe uji për ta mbajtur atë nën kontroll.
Rreth 200 persona u mblodhën sot jashtë dyqanit, dhe disa prej tyre shpërthyen në lot.
“Të gjitha paratë tona ishin atje”, tha një familje, duke përshkruar tronditjen që pësuan.
Sipas Agjencisë Gjermane të Shtypit (dpa) dhe mediave të tjera, u thyen 3,200 kasaforta, duke prekur më shumë se 2,500 persona.
Banka theksoi se është tashmë në diskutime me kompaninë e sigurimeve. “Ne duam t’i ndihmojmë klientët të kuptojnë se cilat dokumente duhet të paraqesin.”
