Një tjetër aksident është shënuar mbrëmjen e sotme në Murriz. Dy automjete tip benz janë përplasur kokë më kokë, ndërsa pasagjerët kanë pësuar lëndime të lehta.
Nga aksidentet janë regjistruar dëme të mëdha materiale.
Si rezultat i përplasjes së dy makinave të fundit është bllokuar qarkullimi duke shkaktuar radhë kilometrike në te dy anët e lëvizjes.
Gazetari i Vizion Plus, Dritan Kurti bën me dije se është dashur ndërhyrja e policisë që pas dy orësh rruga të hapet për lëvizjen e automjeteve.
Ndfëkrohë më herët në të njëjtin vend një Range Rover ka dalë nga rruga dhe ka përfunduar në varreza.
Fatmirësisht ka shpëtuar familja katër anëtarëshe që ndodhej brenda në mjet.
“Më datë 20.09.2024, në Qafë Murriz, mjeti me drejtuese shtetasen H. H., është përplasur me mjetin me drejtues shtetasin G. Sh.
Si pasojë janë dëmtuar dy drejtuesit e mjeteve dhe shtetasja A. Xh. (pasagjere në automjet me shtetasin G. Sh.), të cilët ndodhen jashtë rrezikut për jetën.
Grupi hetimor po punon për sqarimin e rrethanave të aksidentit”, thuhet në njoftim. / vizionplus.tv
