VIDEO/ “Sna ndahet shpirti kollaj”, Big Basta rikthehet në Ferma VIP, kush e shoqëron
Fituesi i edicionit të dytë të Ferma VIP, Big Basta, është rikthyer në ambientet e fermës, këtë herë i shoqëruar nga djali i tij, Lian. Në një video të publikuar në rrjetet sociale, artisti përshëndetet me një nga “banorët” më të dashur të fermës, gomarin Ozi.
“S’na ndahet shpirti kollaj, Ozi lezeti i fermës,” ka shkruar Big Basta në mbishkrimin e videos së postuar në Instagram, duke sjellë nostalgji për përjetimet e tij gjatë aventurës në reality show.
View this post on Instagram
Reklamë
Në finalen e madhe të Ferma VIP 2, ku konkurruan pesë finalistë, Andueli, Big Basta, Andrea, Big Mama dhe Erandi , publiku zgjodhi pikërisht Big Bastën si fituesin e çmimit të madh. Gara kulmoi mes emocioneve dhe surprizave, ku radhazi u eliminuan Erandi, më pas Big Mama dhe Andrea, duke lënë në fund dy finalistët më të fortë.
Rikthimi i Bastës në fermë është pritur me entuziazëm nga fansat, të cilët kanë ndarë komente pozitive për momentin e tij të veçantë me të birin dhe Ozin.
