Autoritetet në Greqi kanë arrestuar autorin e dyshuar për vrasjen e 19-vjeçarit grek Alkis Kampanos.
Bëhet fjalë për një 23-vjeçar shqiptar, me banim në Selanik, me leje qëndrimi të përkohshme në Greqi.
Mediat greke kanë publikuar një video, në të cilën shfaqet një grup djemsh që vrapojnë nga një rrugë e ngushtë drejt një rruge kryesore, teksa më pas futen nxitimthi në dy automjete, duke u larguar nga vendi i ngjarjes. Në njërën prej dy makinave u fut dhe autori me origjinë shqiptare.
