Një 12-vjeçare, e cila kishte dalë në rrugët e Hong Kong-ut për të bërë disa blerje, është përplasur në tokë nga policia gjatë protestave që kanë shpërthyer atje.
E panikosur, ajo po vraponte në përpjekje për t’i shpëtuar disa policëve, të cilët iu vërsulën duke e përplasur më pas në tokë, pas veprimeve të dyshimta të 12-vjeçares.
Sipas të ëmës, e cila nuk pushonte së qari, vajza nuk kishte dalë për të protestuar, por për të blerë.
Policia e Hong Kong-ut e konfirmoi arrestimin e të miturës, duke theksuar se kishte përdorur minimumin e forces.
