Inspektorati Kombëtar i Mbrojtjes së Territorit ka shembur godinën 7-katëshe në zonën e Astirit, për t’i hapur rrugë projektit të Unazës së Madhe.
IKMT njoftoi se u përdoren 10 kilogramë lëndë shpërthyese, që u vendosen në 350 furnela (vrima) të hapura në trupin e objektit.
“IKMT prish me sukses objektin 7 katësh ne gjurmën ku do të ndërtohet Unaza e Madhe e Tiranës. U përdoren 10 kilogramë lëndë shpërthyese, që u vendosen në 350 furnela (vrima) të hapura në trupin e objektit”, thuhet në njoftim.
Siç shihet edhe në pamjet e publikuara nga vetë IKMT-ja, shembja e pallatit ka bërë që tymi të mbulojë gjithë zonën.
