Kryebashkiaku i Bulqizës, Lefter Alla një ditë pas publikimit të një video nëpër media ku shihej një person që pinte kokainë në një lokal, do të merret sot në pyetje nga Prokuroria Speciale Antikorrupsion.
Alla pasditen e kësaj të enjtje do të jetë në orën 17:00 do të jape llogari para SPAK-ut.
Kujtojmë se sot SPAK njoftoi se ka nisur një hetim ndaj Allës, ndërkohë që ky i fundit ka hedhur poshtë akuzat ndaj tij. Përmes reagimeve kryebashkiaku Alla pohoi se në video nuk ishte ai dhe se gjithçka ishte e montuar nga PD, ndërsa shtoi se për ekzistencën e saj kishte dijeni që një vit më parë.
