Një ngjarje tragjike ka ndodhur në Massachusetts të Shteteve të Bashkuara. Një avion i vogël është rrëzuar mbi autostradën I-95, pranë qytetit të Dartmouth, duke shpërthyer në flakë dhe shkaktuar panik mes drejtuesve të mjeteve.
Sipas autoriteteve lokale, ngjarja ka ndodhur rreth orës 08:15 të mëngjesit, gjatë orarit të pikut të trafikut. Avioni, që po fluturonte jashtë kontrollit, u përplas pranë korsive të autostradës, duke detyruar shoferët të frenonin me urgjencë për të shmangur tragjedinë.
“Po udhëtonim normalisht kur papritur të gjithë filluan të frenonin me forcë. Ishte një kaos i vërtetë”, rrëfeu një shofer për rrjetin lokal WJAR, duke përshkruar momentet e frikshme.
Në çastin e përplasjes, një automjet u hodh nga rruga dhe përfundoi në anën e djathtë të autostradës, i dëmtuar rëndë. Ende mbetet e paqartë nëse avioni u përplas drejtpërdrejt me makinën apo nëse drejtuesi i saj u përpoq ta shmangte.
Dy personat që ndodheshin në bordin e avionit humbën jetën në vendngjarje, ndërsa një shofer që ndodhej pranë u plagos dhe u transportua menjëherë në spital. Pamjet e shpërndara në media tregojnë mbeturina të avionit që digjen përgjatë rrugës, makina të ndaluara dhe forcat e emergjencës.
🇺🇸 On Oct. 13/25, at approximately 8:15 a.m., a small fixed-wing light aircraft crashed onto the median of Interstate 195 westbound near Exit 19 (Reed Road) in Dartmouth, Massachusetts, sparking a fire and causing significant disruption.
The plane, which may have been attempting… pic.twitter.com/sJM6B2rZy3
— World In Last 24hrs (@world24x7hr) October 13, 2025
Autostrada u mbyll plotësisht për disa orë për të lejuar ekipet e shpëtimit dhe hetuesit të largonin mbeturinat dhe të kryenin veprimet hetimore.
Sipas informacioneve paraprake, avioni ishte nisur drejt Aeroportit Rajonal të New Bedford, ndërsa piloti nuk kishte dorëzuar një plan zyrtar fluturimi apo listë pasagjerësh.
Shkaqet e rrëzimit mbeten ende të paqarta, ndërsa autoritetet federale amerikane kanë nisur një hetim të plotë për zbardhjen e rrethanave të kësaj tragjedie ajrore.
