Kullat e sahatit në qytetin e Korçës nuk është e thënë të funksionojnë.
Pas ndryshkjes së orëve në kullën e pallatit shtatëkatësh të qytetit, ngecin edhe akrepat e orëve në kullën e xhamisë së vjetër.
Në të katër faqet e kësaj kulle, akrepat tregojnë afërsisht orën 09.50 minuta. Dhe nuk ndryshojnë. Nuk dihet se që kur nuk funksionojnë orët e kullës së xhamisë, por fakt është se ato nuk shërbejnë për të treguar kohën.
Investimi për kullën e sahatit te xhamia e vjetër, nuk ka shumë vite që është realizuar, në kuadrin e financimeve për projektin e rijetëzimit të pazarit.
Ndërkaq, për funksionimin e orës së kësaj kulle nuk dihet se kush duhet të përgjigjet që ta verë në punë.
