Deputeti i Partisë Demokratike, Enkelejd Alibeaj, ka komentuar konfirmimin në detyrë të të gjyqtarit Dritan Hallunaj nga Komisioni i Pavarur i Kualifikimit.
Përmes një deklarate për mediat Alibeaj theksoi se ky vendimështë këmbanë alarmi për sistemin e ri të Drejtësisë dhe provë se Vettingu nuk po shkarkon gjyqtarë e prokurorë të korruptuar e të lidhur me krimin.
“Konfirmimi në detyrë sot i gjyqtarit të Krimeve të Rënda, Dritan Hallunaj, përgjegjës për lirimin nga burgu të mikut të Edi Ramës, Arben Frroku, vrarësit të komisarit Dritan Lamaj, është këmbanë alarmi për sistemin e ri të Drejtësisë, dhe provë e qartë se Vettingu nuk po shkarkon gjyqtarë e prokurorë të korruptuar, të lidhur me krimin e organizuar. Lirimi nga burgu i një vrasësi si Arben Frroku, është shkak i mjaftueshëm për të shkaktuar nga detyra një gjyqtar. Dhe nëse gjyqtari nuk shkarkohet, Vettingu ka dështuar të kthejë besimin tek qytetarët. Organet e Vettingut e mbrojtën se i duhet Ramës në Këshillin e Lartë Gjyqësor. Nëse Vettingu s’do të ishte politik, ai do ishte shkarkuar,”.
