Vettingu në politikë ka kthyer në Kuvend deputetët e opozitës.
Pas një periudhe të gjatë marrëdhënieje të kushtëzuar, deputetët e opozitës do të rikthehen këtë të martë në Këshillin e Legjislacionit për të diskutuar në lidhje me ndryshimet ligjore për vettingun në politikë.
Vizion Plus ka mësuar se në ndryshim nga herët e kaluara ku në mbledhjet e Këshillit të Legjislacionit merrte pjesë vetëm një përfaqësues nga radhët e opozitës, kësaj here mbledhjes do t’i bashkangjiten të gjithë anëtarët.
Pjesëmarrja e deputetëve opozitar në mbledhjen e përbashkët të Komisionit të Ligjeve me atë të Legjislacionit, duket se është dhe një sinjal se opozita nuk do t’I djegë mandatet dhe se rikthehet në Kuvend në seancën e fundit plenare.
