Aktivistë të Lëvizjes Vetëvendosje protestuan pasditen e kësaj të enjte në Prishtinë.
Qytetarët bënë thirrje për zgjedhje të reja, në një kohë që Gjykata Kushtetuese pritet të publikojë deri të premten vendimin e saj nëse Avdullah Hoti do të jetë ose jo kryeministër i ardhshëm i Kosovës.
Protesta në sheshin “Skëndërbej” u mbajt në një kohë qe vendi po përballet edhe me pandeminë e koronavirusit.
Mbi 2 mijë protestues të cilët sfiduan shiun, u detyruan të respektonin rregullat e distancimit fizik, për parandalimin e përhapjes së koronavirusit.
Në fund, kryeministri në detyrë përshëndeti aktivistët nga ndërtesa e qeverisë.