Vetëm një pacient humbi jetën nga koronavirusi, këtë të premte në Shqipëri. Nga Ministria e Shëndetësisë u njoftua se viktimë mbeti një 71-vjeçar nga Berati.
Numri i rasteve të reja, në anën tjetër, vijon të jetë i qëndrueshëm. Pas testimit të gati 3 mijë qytetarëve, 49 prej tyre dolën pozitivë.
983 qytetarë u shëruan në 24 orët e fundit, kurse nevojë për trajtim spitalor kanë 84 pacientë. Nga këta, pesë janë në terapi intensive, ndërsa për të intubuar nuk raportohet.
