Kryeministri Edi Rama ju është përgjigjur sërish interesit dhe pyetjeve të qytetarëve që bëhen në rrjetet sociale.
Në rubrikën e tij “Sy më Sy” në Facebook, Rama ju është përgjigjur qytetarëve që interesohen të dinë nëse Shqipëria ka marrëdhënie ekonomike vetëm me vendet Arabe, duke marrë shkas nga takimi i fundit i kryeministrit, dhe a ka marrdhënie ekonomike dhe tregtare me BE-në dhe SHBA-të.
Në përgjigjen e tij Rama thekson se në Shqipëri investimet e huaja perëndimore kryesisht të vendeve të BE dhe SHBA tejkalojnë mbi 1 miliardë euro.
Ndërkohë shtoi se Shqipëria është përzgjedhur gjithashtu nga qeveria amerikane për një financim të madh në fushën e energjisë.
Ndërsa thekson se po ashtu Shqipëria po çon një tjetër nivel edhe marrdhëniet me vendet Arabe për të përfituar sa më shumë.
“Nuk e di për kë e kanë që s’ka interes. Duke filluar që nga marrëveshja e sotme ku ishim mes arabëve dhe italianëve, dhe Italia është në Europë. E dini sa biznes bëjnë bizneset e huaja në Shqipëri? Investime të reja mbi 1 miliardë euro. Po ne qeveria sa projekte bëjmë me financime të huaja, e dini se nga vijnë? Nga Europa, dhe para pak ditësh qeveria amerikane na njoftoi se ka zgjedhur Shqipërinë për një financim të madh në fushën e energjisë. Siç kemi çuar në një bnivel tjetër marrdhëniet me SHBA dhe me Europën, kemi çuar në një tjetër nivel edhe atë me vendet Arabe”, thekson Rama në përgjigjen e tij drejtuar komentuesve.
