Kryetari i Kuvendit të Kosovës, Kadri Veseli i ka bërë apel Serbisë që të lë mënjanë provokimet pasi po rrezikon stabilitetin në rajon.
Në një deklaratë për mediat, Veseli theksoi se Kosova nuk do të lejojë veprime të tilla pasi po shkaktojnë pasiguri dhe jostabilitet në Kosovë.
“Kjo politikë nuk i ndihmon bashkëjetesës mes shqiptarëve, serbëve dhe të tjerëve në Kosovë. Ka ardhur koha që të ndalen provokime të tilla. Nuk do të lejojmë veprime që do të shkaktojnë pasiguri apo jostabilitet në vendin tonë”
Klima e marrëdhënieve mes Kosovës dhe Serbisë është përkeqësuar pas lobimit të serbëve për bllokimin e anëtarësimit të Kosovës në Interpol.
Vendim që pasoi më pas me rritjen e tarifës nga 10 në 100 për qind për produktet që Serbia eksportonte në Kosovë.
