Në fjalën e tij gjatë prezantimit të flotës së re të mjeteve në shërbim të policisë së shtetit, Ministri Lleshaj u ndal edhe tek protesta e të enjtes para kuvendit ku u plagosën 13 uniforma blu dhe disa qytetare.
Lleshaj kërkoi reflektim jo vetëm nga qytetaret për sjelljen e tyre para forcave te rendit por edhe nga përfaqësues të politikes, verbëria e të cilëve prodhon dëmë ndaj forcave te rendit dhe shoqërisë.
Jo më larg se dy ditë më parë, forcat e policisë, në përmbushje të detyrës që shoqëria u ka ngarkuar, u përballën me një agresivitet të absurd dhe të pabesë nga një grup i caktuar. Ato duar që u ngritën kundër Ina Nukës dhe kolegëve të saj, na tregojnë se verbëria politike e ka përherë potencialin për të sjellë dëme, jo vetëm mbi policinë, por mbi krejt shoqërinë.Izolimi i këtyre devijimeve të rrezikshme dhune kërkon jo vetëm reagim të vendosur të policisë, por edhe reflektim të gjerë shoqëror. Për një reflektim të tillë i ftoj sot të gjithë qytetarët, përfaqësuesit politikë dhe para së gjithash moshatarët e Ina Nukës. Tek policia jonë duhet të shohim forcën tonë, dinjitetin tonë dhe mburojën tonë. Ne e mbajmë me taksat tona policinë që ajo të përballet vetëm me kriminelët. Për reflektim serioz ftoj edhe përfaqësues të caktuar politikë, të cilët nuk duhet kurrsesi të rreshtohen përballë policisë, por në krah të saj.
Kjo ishte hera e parë që Lleshaj dilte në publik si Minister i Brendshëm pasi bëri betimin në krye të këtij dikasteri tek presidenti Meta, pasi ky I fundit kishte zvarritur dekretimin e tij në propozimin e parë të Ramës.
